Flytande fiskerikai i betong

Flytande fiskerikai i betong

  • ­Miljøvenleg

  • Unik plasseringsfleksibilitet

  • Vern mot tøffe vêrforhold

  • Nærleik til fiskeutstyr og sikker handtering

  • Tilgang for gaffeltruck

  • Effektiv lasting og lossing

  • Høg lastekapasitet

  • Skreddersydde oppbevaringsløysingar


Ei flytande fiskerikai i betong har skreddarsydde løysingar for handtering og oppbevaring av utstyr under dekk. Flytekaia gir vern i tøffe vêrforhold - og utfordringar med flo og fjøre er redusert. Samanlikna med ei tradisjonell kai med bygningsanlegg, gir vår løysing omlag 30% av kostnadene - og flytekaia kan flyttast dersom fiskeriet krev det. Ulstein Betong Marine har til no bygd nærare 200 flytande betongkonstruksjonar til ulike formål. Lang røynsle og høg produktkvalitet gir god sikkerheit for produkt og løysingar.

Teikning og prosjektering

Vi utfører teikning og prosjektering etter dei funksjonar og ytingar kunden ynskjer, med utgangspunkt i standardløysingar. Vi samarbeider med selskap som har lang røynsle i sjøentreprise og syter dermed også for posisjonering og ankring av flytekaia, etter analyser av vind- og sjøtilhøve. Løysingar for landgang og ev. samvirke med andre installasjonar vert også teke i vare.

Areal på og under dekk

Våre flytande betongkaier har stort dekksareal, der det kan leggast til rette med gode løysingar for logistikk og servicefunkjsonar. Stabilitet i sjøen og tilpassa flytehøgde gir gode vilkår for anløp og aktivitet. God oppdrift og stort volum i skroget tillet installasjonar for ytingar av mange slag, alt etter kva funksjonar fiskerikaia skal innehalde. Sikkerheita er teken i vare med naudutgangar, alarmar, pumper, vasstette luker og skott. Ventilasjon, isolasjon, lys og innreiing elles vert tilpassa den standarden kunden ynskjer.

Fleksibilitet og minimale inngrep i strandsona

Ei flytekai krev minimale inngrep i strandsona, i motsetnad til ei landkai. Eit landingspunkt for landgangen er stort sett nok. Dette gjer ofte prosessane rundt løyver frå offentleg mynde enklare, i tillegg til at synlege spor etter inngrep i naturen vert små. Ei flytekai kan også flyttast! Endringar av infrastruktur eller behov tillet reposisjonering av kaia, eller flytting til heilt ny lokasjon. Dersom grunnlaget for drift fell bort, kan den til og med selgast! I alle høver vil området enkelt kunne førast attende til opprinneleg status.

Einebustad i 2 etg.

Einebustad i 2 etg.

Ulstein Betong Utbygging (UBU) er i ferd med å utvikle ein moderne og spanande einebustad i 2 etg. “UBU 1” er eit kompakt hus med stramme liner og nøktern materialbruk. Reine betongveggar, lunt treverk og lys gjennom store vindauger pregar “mikrofunkisen”. Nærleiken til naturen og omgivnadane er påfallande.

Arkitektur og materialval

UBU1 er ein moderne bustad med god funksjonalitet og varige kvalitetar - ein funkis i moderat storleik. Stilen er skandinavisk minimalisme med varme undertonar. Stramme liner og reine flater i betong, blankt glas og lyst treverk gir eit vakkert, svalt og naturleg preg. Lyset strøymer fritt gjennom huset og gir ei herleg kjensle av å vere ute - inne.

Compact Living

Over to etasjar romar huset stove og kjøken i opa løysing, tre soverom, bad og buder. Med sine effektive 108 kvadratmeter tangerar dette inn mot trenden “compact living”, der berekraft og god nytting av plass og ressursar er sentralt. Med store vindauger framstår huset med god romkjensle. Luftige altanar i begge endar git ei forlenging av opphaldsroma - ekstra fint på varme sommardagar.

Inn på bustadmarknaden med UBU1

UBU1 kan vere ein døropnar inn i ein pressa bustadmarknad. Fokus på arkitektur, standardiserte løysingar og materialval sikrar god funksjonalitet og høg standard til konkurransedyktig pris. Fasadane, hovudsakleg i glas og betong, gir låge vedlikehaldskostnadar og lang levetid.

Vil du vite meir om UBU1?

Kontakt Ulstein Betong Utbygging, ved Harald Sætre, på tlf. 913 18 358 eller på epost harald@ulsteinbetong.no

Flytande servicekai i betong

Flytande servicekai i betong

Ei flytande servicekai i betong kan stette mange behov knytt til båtanløp. Anten funksjonen skal vere rutebåtanløp for persontransport og/eller gods, ytingar til fritidsbåtar og/eller yrkesbåtar, liggeplass for servicebåtar eller anna, er våre produkt eit naturleg fyrsteval! Ulstein Betong Marine har til no bygd 160-170 flytande betongkonstruksjonar til ulike formål. Lang røynsle og høg produktkvalitet gir god sikkerheit for produkt og løysingar.

 

Teikning og prosjektering

Vi utfører teikning og prosjektering etter dei funksjonar og ytingar kunden ynskjer, med utgangspunkt i standardløysingar. Vi samarbeider med selskap som har lang røynsle i sjøentreprise og syter dermed også for posisjonering og ankring av flytekaia, etter analyser av vind- og sjøtilhøve. Løysingar for landgang og ev. samvirke med andre installasjonar vert også teke i vare.

 

Areal på og under dekk

Våre flytande betongkaier har stort dekksareal, der det kan leggast til rette med gode løysingar for logistikk og servicefunkjsonar. Stabilitet i sjøen og tilpassa flytehøgde gir gode vilkår for anløp og aktivitet. God oppdrift og stort volum i skroget tillet installasjonar for ytingar av mange slag, alt etter kva funksjonar servicekaia skal innehalde. Sikkerheita er teken i vare med naudutgangar, alarmar, pumper, vasstette luker og skott. Ventilasjon, isolasjon, lys og innreiing elles vert tilpassa den standarden kunden ynskjer.

 

Fleksibilitet og minimale inngrep i strandsona

Ei flytekai krev minimale inngrep i strandsona, i motsetnad til ei landkai. Eit landingspunkt for landgangen er stort sett nok. Dette gjer ofte prosessane rundt løyver frå offentleg mynde enklare, i tillegg til at synlege spor etter inngrep i naturen vert små. Ei flytekai kan også flyttast! Endringar av infrastruktur eller behov tillet reposisjonering av kaia, eller flytting til heilt ny lokasjon. Dersom grunnlaget for drift fell bort, kan den til og med selgast! I alle høver vil området enkelt kunne førast attende til opprinneleg status.